Wat foar talinten, dreamen en ferwachtings sitte deryn? En wat litst dêrfan oan de bûtenwrâld sjen?
De Koffer is in waarm en humorfol ferhaal oer passy mei Jan Arendz, Frans Douwe Slot, Teke Hettinga en Famke Anne van der Mark. We sjogge in mearkeswrâld en ek de wrakseling mei de ûnwissens fan prestaasje en ferwachtings. En de ynfloed fan de omjouwing. It giet wat oars as ferwachte. Is it slim ast net hielendal it bêste út dysels hellest? De Koffer is Frysktalich, byldzjend muzykteater mei klassike muzyk, ballet en toaniel. Mei prachtige dûns op hearlik tagonklike klassike muzyk sa as de Mondscheinsonate fan Beethoven en de Notenkraker fan Tchaikovsky.